Maca lancar/ gancang

• Yaiku pagawean maca kang winates dening wektu, kanthi ngetungake pira cacahing tembung kang kawaca saben menite kanthi bisa mangerteni isine paling sethithik 70 %
Teknik maca gancang
1. Supaya bisa maca gancang anggone maca kudu sregep gladhen maca lan bisa nggunakake basa jawa ing basa padinane
2. Wektu maca ora mbolan-baleni tembung
3. Tangan ora perlu nuding tulisan
4. Mripat ndeleng kanthi permati
5. Manunggaling rasa lan pocapan
Rong perkara kang gegayutan karo maca gancang yaiku :
1. Rendhet gancange maca
2. Cendhek dhuwure persenan anggone mangerteni isine wacan
Maca gancang nemahake telung pigura yaiku :
• Nemokake pawarta kanthi cepet
• Nyrambahi kehing kaca buku utawa wacan sajroning wektu kang cupet
• Ngungkret wektu amarga sing diwaca mung perangan kang wigati
Akehe reribet ing maca gancang dumadi saka :
• Maca karo nyuwara
• Maca karo ngobahake lambe utawa komat-kamit
• Maca karo sirahe gedheg ngiwa- nengen
• Maca kanthi nudingi tulisan nganggo driji utawa piranti liyane
• Maca kanthi seneng mbaleni tembung kang wus diwaca
• Maca kanthi ngucapake tetembungane ing sajroning batin

Nut (pola) carane maca gancang
• Nut malang : lakune mripat mblendher saka dhuwur mangisor
• Nut miring : lakune mripat mblendher saka pojok kiwa dhuwur mangisor nengen
• Nut enggak-enggok : pandelenging mripat lumaku saka pojok kiwa banjur mudhun menceng mangiwa sabanjure nganti tekan ngisor
• Nut spiral : marakake sesambungane antarane perangan siji lan liyane
• Nut blok : wujud paragraf
• Nut mujur : lakuning mripat mblendher cepet saka pok kiwa nganti pok tengen saben larike