Materi Kasusastran Bahasa Jawa.

Kasusastran

Pangertosan Kasusastran
Tembung kasusastran kenging dipuntegesi :
• Bab sastra (seratan)
• seserepan (kawruh)
• dedamel (gegaman) ingkang sae, becik, endah.
Kasusastran jawi mengku werdi :
• Kasusastran ingkang kababar kanthi sae, becik, endah, lesan punapadene sinerat, riptanipun tiyang Jawi utawi tiyang manca, sarta mawi aksara jawi utawi aksara sanes.
Tembung kasusastran asalipun saking tembung sansekerta:
• Cas ateges mulang, ngajar, nyriyosi
tra mengku werdi pirantos.
Castra ateges pirantos mulang.
Tembung castra dados sastra ingkang tegesipun seratan (tulisan), seserepan (kawruh), dedamel (gegaman)

Caranipun medharaken kasusastran :
Kenging katempuh mawi 4 cara :
 Lirik : ripta sastra punika adhapur subyektif.
Kadosta sengsem dhateng kaendahaning alam, sengsem dhateng
raos sih tresna antawisipun jalu-pawestri lsp.
 Epik (epysch)
 Ripta sastra punika adhapur obyektif.
Tuladhanipun cariyos praja Majapahit, Singasari, Kartasura,
Surakarta, Yogyakarta lsp.
 Dramatik (dramatisch)
 Ripta sastra punika adhapur gineman.
Ingkang kalebet ing dhapur punika drama, sandiwara, lsp ingkang
saemper.
 Dhikdhaktik (dydactisch)
 Ripta sastra punika adhapur piwulang.
Tuladhanipun nggelar piwulang bab agami, seserepan luhur,
kautamen lsp.
Bab-bab ingakang cinakup ing kasusastran Jawi :
a. Tembung Saroja :
tembung kalih utawi langkung ingkang tegesipun sami utawi meh
sami saha kaangge sesarengan.
Tuladha :
andhap-asor japa-mantra
budi-pakarti gayut-rayut
candhak-cekel
b. Tembung Yogaswara
Tembung kalih ingkang seratan panapadene pakecapanipun meh
sami, kangge sesarengan, saha mengku werdi jaler-pawestri.
Tuladha :
bathara-bathari kedhana-kedhini
dewa-dewi pemudha-pemudhi
hapsara-hapsari raseksa-raseksi
c. Tembung Garba (tembung sandi)
Tembung kalih utawi langkung ingkang kadadosaken satunggal
sarana nyuda gunggunging wandanipun.
Tuladha : malebu + ing = malbeng
nara + endra = narendra
tumuju + ing = tumujweng
mardika+ing+rat= mardikengrat
d. Tembung Plutan
Tembung ingkang suda gunggunging wandanipun.
Panyudaning swanten ing tengahing tembung.
Tuladha :
cuwowo----cwowo para ---pra
darana -----drana sarana--srana